Misaora ny Tompo ianareo voafidiny

Nampiditra: Belle
Sokajy: Tononkira, Masina Maria, Fisaorana,


  • Fihirana Dera p. "176
  • Ankalazao ny Tompo p. "533
  • Vavaka sy Hira p. "427
  • Fihirana Hasina p. "284
  • Fihirana Vaovao p. "205

Misaora ny Tompo ianareo voafidiny,
Fa izy ihany no niantso anareo a,
Na manao ahoana ny toetranareo a,
Antsoiny ho sakaiza fa tsy mpanompo a,
Noho ny fitiavany maimaim-poana a:
Koa misaora ny Tompo ianareo a.
 
1 Ny foko midera ny Tompontsika,
 Ny saiko mifaly amin'Andriamanitra
 Noho izy Mpamonjy nitsinjo ahy
 'Lay mpanompovaviny tsinontsinona.
 
2 Fa indro manomboka ankehitriny
 Hantsoin'ny taranaka: "Sambatra" aho:
 Nahavita be tamiko ilay Mahefa,
 Ilay hoe "Ny Masina no anarany".

3 'Lay mandrakizay ny indrafony
 Amin'ny olon-drehetra matahotra Azy,
 'Lay Tompo Mpandresy mahery sandry ,
 Mampihahaka ireo 'zay mpiavonavona.
 
4 Manongana ireo izay mpanjakazaka
 Kanefa manandratra ireo ambany;
 Manototra soa an'ireo noana
 Fa mampody maina an'ireo mpanana.
 
5 Mpanarina an'Israely olony
 Satria mahatsiaro ny indrafony
 Nampanantenainy ny razantsika
 Ho an'i Abrahama sy izay taranany.
 
6 'Lay Ray be fitiavana mba derao,
 Hobio 'lay Zanany tonga nofo,
 Ary koa 'lay Fanahy mampiray antsika,
 Ho mandrakizay alaovalo!


Eugene Hery - Tel +39 338 744 2412 (Italie) - [0.0115 s.] - Aidé par Evanjelyanio.org