Iaveh ô, na aiza na aiza

(Sal. 138)

Sas :
Iaveh ô, na aiza na aiza no alehako,
Ianao ihany no mitantana ny diako :
Iaveh ô, fantatrao 'zany toetrako,
Iaveh ô, fantatrao ny ao am-poko.
 
1 - Raha noharinao, ry Iaveh, 'zany tenako
Ka mbola niafina tsy nisy endrika aho,
Ny tendrinao no nanondro ny hiainako,
Ny sitrakao no namaritra ny androko.
 
2 - Raha vao nitsiry ny saiko te-hamantatra,
'Reo zava-boaary niseho hanintona ahy ;
Ny teny koa mbola tsy mby ao am-bavako
Dia tsinjonao, fantatrao ny eritreritro.
 
3 - Raha hanalavitra Anao ny kasaiko
Ka handosirako ny Endrikao, ry Iaveh ;
Tsy ho fantatrao ve, ry Iaveh, izay halehako ;
Ianao, ry Iaveh, no mitsinjo ny lalako.
 
4 - Hilaza aho hoe : Hanarona ahy ny haizina,
Fahazavana hanodidina ahy ny alina.
Tsy maizina ho Anao na haizina aza,
Hazavana mamiratra ny alina.
 

Nampiditra pissoa
Sokajy Salamo
Fihirana Dera p. 290
Fihirana Hasina p. 332
Fihirana Vaovao p. 413
Vavaka sy Hira p. 377
© Eugene Heriniaina - serasera.org 1999 - 2024 - page load 0.0889