Ny hatsarana sy fahamarinana

Ny hatsarana sy fahamarinana no tiako hoderaina,
Ny Tompo Andriamanitra no tiako hankalazaina.

1. Ô ry Tompo Andriamanitra
   - No tiako hankalazaina- (Vahoaka)
   Ho tandremako ny lalanao, ry Tompoko,
   Fo mahitsy no entiko hanara-dia,
   Tsy hanao izay ratsy imasonao aho.
   Tsy hivaona ny foko na hiova,
   Fa Ianao ry Tompo Andriamanitra.
    
2. Ô ry Tompo Andriamanitra
   Hojerenao ny olo-mahatoky,
   Ny olo-marina no ho mpanomponao,
   Hiara-monina eo anilanao,
   Mihirà mba hihoby an-kafaliana,
   Ianareo ô ry mponina eran-tany,
   Manompoa azy Tompo, an-karavoana.
    
3. Ô ry Tompo Andriamanitra
   Maneke Azy Tompo Andriamanitra,
   Asan-tanany isika, ka fahanany,
   Fiangonany isika, ondry andrasany,
   Avia eo am-bavahadiny, midera ;
   Isaorantsika ny Anarany, hankalazaina,
   Maharitra ny hatsarany sy ny indrafony,
   Ny fahamarinany manerana ny tany.