Ry Virjiny Imakole

Nampiditra: Belle
Sokajy: Masina Maria,


  • Fihirana Hasina p. "710
  • Vavaka sy Hira p. "599
  • Fihirana Dera p. "130

1 Ry Virjiny Imakole,
 Reny tsara fo indrindra,
 Fanantenan'ny Eglizinay,
 Fa Reninay ianao.
 Midera anao 'zahay rehetra
 Midera anao, ry Maria.
 Ho tonga anie ny fanjakanao
 Eto an-tanindrazanay.
 
Atolotray ho anao
Ny fonay, ry Reny tsara,
Raiso 'zahay ho zanakao,
Ho zanakao mandrakizay.
 
2 Ry Virjiny Imakole,
 Reny tsara fo indrindra,
 Fanantenan'ny fianakaviana,
 Fa Reninay ianao.
 Midera anao, 'zahay rehetra;
 Midera anao, ry Maria,
 Ho tonga anie ny fanjakanao
 Eran'i Madagasikara.
 
3 Ry Virjiny Imakole,
 Reny tsara fo indrindra
 Fanantenan'izay tia anao,
 Fa Reninay ianao.
 Matoky anao 'zahay rehetra;
 Matoky anao, ry Maria,
 Ho tonga anie ny fanjakanao
 Eran'izao tontolo izao.


Eugene Hery - Tel +39 338 744 2412 (Italie) - [0.1029 s.] - Hanohana anay