Izahay e ravoravo

Nampiditra: Belle
Sokajy: Masina Maria,


  • Fihirana Vaovao p. "417
  • Fihirana Hasina p. "537
  • Vavaka sy Hira p. "612
  • Fihirana Dera p. "134

1 Izahay e ravoravo
 Miandrandra anao, Maria,
 Ampakarina any an-danitra
 Anjakan'ny Zanakao
 Fa omen'i Zanahary
 Voninahitra ianao.
 Ary derain'ny Anjely )
 Ny fahandriananao.  ) (indroa)
 
2 Koa valianay haravoana
 Ny hadiovam-ponao
 Sy satrohina fehiloha
 Ny fanetren-tenanao.
 Ka ny afo mampirehitra
 Ny fitiavan'ny fonao.
 Mba mahita valisoa  )
 Amin'ny naterakao?  ) (indroa)
 
3 Ny anjely mba manompo
 Sady mankalaza anao;
 Izy mino sy manaiky
 Ny fahambonianao!
 Koa 'zahay te hiasa
 Homba ny nalehanao:
 Fa finaritra, ô Maria e, )
 'Zay miraikitra aminao. ) (indroa)
 
4 Reny sambatra any an-danitra,
 Tianay ho azonao
 Ny fisaorana sy ny deran'
 Izao taninay izao.
 Aoka tsy hisy tsy haniry
 Mba ho tia ny fonao.
 Reny mamy sy miantra,)
 'Zahay te hambenanao. ) (indroa)
 
5 Reny tsara fo, mba tsarovy
 Izahay natsanganao,
 Ka tariho any an-danitra
 Mba hifaly aminao,
 Ny virjiny sy ny zaza
 Te hianatra aminao:
 Ny marary sy ny antitra )
 Maka toky aminao.        ) (indroa)
 


Eugene Hery - Tel +39 338 744 2412 (Italie) - [0.0068 s.] - Hanohana anay