Fantatrao, ry Reny tsara

1 Fantatrao, ry Reny tsara,
 Fa ny Nosy Madagasikara
 Dia natolotra sy nomena anao,
 Ka ekeo izao vavakay izao.

Notre-Dame des vocations,
Manjakavavin'ny Apôstôly.
Ampitomboy ireo pretra
Sy ny relijiozy teratany:
Ampitomboy ka hamasino       )
Ho voninahitr'i Jesoa Zanakao ) (indroa)

2 Mbola vitsy, mbola vitsy loatra
 Ny mpijinja eto aminay,
 Nefa ny vokatra marobe tokoa,
 Ka ekeo ny vavakay izao.

3 Ny mpanota mila fibebahana,
 Ny marary mila famonjena,
 Ny kristianina mila mpankahery,
 Ka ekeo izao vavakay izao.

Nampiditra Belle
Fihirana Dera p. 128
Fihirana Hasina p. 112
Fihirana Vaovao p. 400
Vavaka sy Hira p. 598
© Eugene Heriniaina - serasera.org 1999 - 2024 - page load 0.0169