Tsy hitsahatra hisaotra an'Andriamanitra isika

(1 Kor. 1, 4-9)

1 Tsy hitsahatra hisaotra
 an'Andriamanitra isika e,
 Noho ny soa ara-panahy
 ao amin'i Jesoa Tompontsika,
 Zay antenaintsika e!

2 Fa satria ao amin'i Jesoa Tompo
marina tokoa e,
 Ny harena sesehena
 izay atobaka amintsika
 Zay antenaintsika e!

3 Dia ny teny sy ny hareny,
 ny fahaizana rehetra,
 F'efa miorina amintsika manko
 ny hafatr'izy Tompo!
  Zay antenaintsika e!

4 Koa tsy orim-pahasoavana
 mihitsy raha isika e,
 Dia isika 'zay miandry
 ny hiverenan'izy Tompo,
  Zay antenaintsika e!

5 Izy kosa tsy hitsahatra
 ny hankahery antsika e,
 Mba tsy hanan-tsiny isika
 rahefa feno ny fotoana,
  Zay antenaintsika e!

6 Tsy mivadika Andriamanitra
 rahefa miantso antsika,
 Mba hiombona amin-Janany e,
  Dia i Jesoa Tompontsika!