Ny voninahitrao, Maria tany Salette

1 Ny voninahitrao, Maria tany Salette,
 Nazava nanjopiaka toa masoandro vao
 Fa ory ny fonao, ny ranomasonao
 Nandriaka be tokoa noho 'zahay zanakao.
 Onony ny alahelo, Reny be famindram-po,
 Indro ny vahoakanao tsy mikomy, fa mivalo
 Mitalaho an-tongotrao.

Masina ianao (indroa), Virjiny Reninay
Derao (indroa), vahoakan'i Marie e,
Asondroty ny feo.
Derao ny Tompovavy niseho ho anao,
Masina ianao, Virjiny Reninay,
Mifona 'zahay vahoakanao.
Aza foinao, fa zanakao.

2 Reny, lazao anay ny fototr'alahelo
 Nahontsa ny fonao, fa toa rera-po
 'Zahay vahoakanao mikomy sy mikiry,
 Efa hiantefan-doza hasian'ny Zanakao:
 Ifony, ry Reny miantra, izahay vahoakanao
 Amin'i Jesoanao masina, ianao no aronay e
 Hany fanantenanay.

3 Virjiny maminay, Reny be alahelo,
 Ny ota nataonay mandratra ny fonao;
 Indro ny zanakao miverina aminao,
 Mba raiso izahay, fa aza ilaozanao
 Hazòny, ry Reny mahery, ny sandrin'ny Zanakao
 Maonjana izy, mavesatra, aza avelanao hamely
 Ny vahoaka tsy foinao.