Fantatry ny Ray izay ilainareo

Fantatry ny Ray izay ilainareo
Fa tia anareo ny Ray.

(Sal. 56)

1 Iantrao aho, ry Andriamanitra, iantrao,
 Ianao no ifefen'ny fanahiko.
 
2 Ny aloky ny elatrao no ifefeko
 Mandra-pidifin'ny loza!
 
3 Izaho miantso an'Andriamanitra avo indrindra
 Ilay Mpamaly ny ratsy atao ahy.
 
4 Izy maniraka avy any an-danitra
 Ka mamonjy ahy amin'ny tanan'ny mpanosy.
 
5 Izaho mandry afovoan-diona
 Mpandripaka ny zanak'olombelona.
 
6 Ny nifiny, lefona aman-jana-tsipìka
 Ny lelany, sabatra voaranitra.
 
7 Misandrata, ry Andriamanitra any ambonin'ny lanitra;
 Eran'ny tany tontolo ny voninahitrao.
 
8 Amelarany harato ny diako,
 Ihadiany longoa eo anoloako.
 
9 Mitombina ny foko, ry Andriamanitra:
 Ka mihira sy miantsa aho!
 
10 Foha, ry aiko, foha, ry jejy sy valiha,
 Izaho mifoha marainakoa.
 
11 Fa hidera anao vory vahoaka, ry Tompo,
 Hiantsa anao anivom-pirenena.
 
12 Fa lehibe hatrany an-danitra ny hatsaram-ponao,
 Mahatakatra ny lanitra ny fahamarinanao.
 
13 Misandrata, ry Andriamanitra any ambonin'ny lanitra
 Eran'ny tany tontolo ny voninahitrao!