Ianao, Andriamanitra itokiako

Nampiditra: Belle
Sokajy: Salamo, Andriamanitra Ray,


  • Vavaka sy Hira p. "321
  • Fihirana Dera p. "169
  • Fihirana Hasina p. "505
  • Fihirana Vaovao p. "305

(Sal. 90)

Ianao, Andriamanitra itokiako,
Andriamanitra fialofako.
 
1 'Zay mialoka eo ambany fiarovan'ny Avo indrindra
 Miala sasatra amin'ny aloky ny Tompo tsitoha.
 Fa izy no manafaka amin'ny fandriky ny ratsy
 Sy ny areti-mifindra mandoza.
 
2 Dia hanarona anao amin'ny elany izy Tompo
 Ampinga mahery ny fahamarinany.
 Tsy misy hampangovitra anao amin'ny alina,
 Na zana-tsipìka manidina antoandro.
 
3 Fa ny ratsy misoka amin'ny haizina ho rava,
 Sy ny areti-mifindra amin'ny mitataovovonana,
 Na misy arivo, iray alina ho lavo,
 Ianao tsy mba tratra.
 
4 Hijery hatrany ianao ka hahita
 Ny valy hanjò ireo ratsy fanahy.
 "Fiarovana ianao, ry Iaveh", hoy ianao,
 Nanao ny Avo indrindra ho fialofana ianao.
 
5 Ka izay fahoriana tsy hihatra aminao,
 Na ny loza hanakaiky ny fonenanao,
 Fa izy handidy ny anjeliny masina,
 Mba hiambina anao amin'ny làlanao rehetra.
 
6 Ka hivimbina anao eny an-tanany izy ireo,
 Fandrao ny tongotrao tafintohana amin'ny vato.
 Dia hanitsaka liona ianao ka handresy,
 'Zay biby masiaka rehetra ho levona.
 
7 'Zaho Tompo hanafaka izay tia ahy,
 Hiaro azy fa izy matoky ny anarako.
 Hiantso ahy izy mantsy raha zoim-pahoriana,
 'Zaho kosa hamonjy hanome voninahitra.
 
8 Andro lava sy feno tanteraka eto an-tany,
 Famonjena any an-danitra mandrakizay
 Voninahitra anie ho an'ny Ray sy ny Zanaka,
 Voninahitra anie ho an'ny Fanahy Masina.


Eugene Hery - Tel +39 338 744 2412 (Italie) - [0.1094 s.] - Hanohana anay