Hoderaina mandrakizay e ianao e, ry Jesoa mpamonjy

Hoderaina mandrakizay e ianao e,
Ry Jesoa mpamonjy,
Fa ianao e no lahimatoa,
Dia lahimatoa
Amin'ny maty rehetra. (Kôl. 1, 4)

(Kôl. 1, 12-20)
 
1 Andeha isika hisaotra ny Ray 'zay nanangana antsika
 Ho sambatra toy ny olomasina hahita mazava.
 
2 nalany amy fanandevozan'ny maizina isika,
 Nafindrany kosa hanjakan'ilay Zanany tiany.
 
3 Ny Zanany izay nahamendrika antsika ho voavonjy,
 Ny Zanany izay naha-afaka antsika tamin'ny ota.
 
4 Dia Zanaka endrik'ilay Andriamanitra tsy hita,
 Kanefa dia lahimatoa amy zava-boaary.
 
5 Fa taminy manko no hary ny zava-drehetra:
 Ny tany sy lanitra omban'izay hita sy ts'hita.
 
6 Fa izy no Teny nampisy ny zava-drehetra,
 Ho azy matoa noarìna ny zava-drehetra.
 
7 Fa izy tokoa no talohan'ny zava-drehetra,
 Ka mbola mitahy aharetan'ny zava-drehetra
 
8 Ny loha amy vatana anefa dia mbola izy koa,
 'Lay Vatana masina iraisan'ny mpino rehetra.
 
9 Nitsangan-ko velona ho santatr'ireo nodimandry.
 Fa izy no tena filoha amy zava-drehatra
 
10 Satria sitrak'izy Andriamanitra Rainy tokoa
 Ho aminy no ipetrahan'ny hasina feno.
 
11 Dia sitrany koa ny nampody ny zava-drehetra
 Hankaminy, nony tarihin'ny Zanany tiany.
 
12 Ka indro ny ra 'zay nalatsany teo amin'ny Hazo
 Nomeny hampihavana tany sy lanitra vao.