Ry olombelona ô, izao no tadiavin'Andriamanitra aminao

Ry olombelona ô,
izao no tadiavin'Andriamanitra aminao:
ny hizotra eo imasony ianao am-panentren-tena hatrany.

(Sal. 112)
 
1 Derao, ry mpanompon' ny Tompo,
 Derao ny anaran'ny Tompo;
2 Tsarovy ny anaran' ny Tompo,
 Na izao na ho mandrakizay.
3 Tongava marain-tsy hariva
 Hidera ny anaran' ny Tompo.
 Aleloia, aleloia!

4 Ambonin' ireo firenena:
 Ny lazany avo dia avo!
5 Moa misy mitovy amy Tompo?
 Ny Tompo mitoetra any ambony,
6 Ka miondrika izy mijery,
 Na lanitra izany na tany.
 Aleloia, aleloia!

7 Alàny amy fako ny ory,
 Esoriny avy eo ny mahantra:
8 Apetrany anilan'andriana,
 Andriana izy fanta-bahoaka.
9 Ny momba amponeniny an-trano:
 Niteraka maro ka faly.
 Aleloia, aleloia!

10 Handeha isika hisaotra ny Ray:
 Natsangany ho velona isika,
11 Hitovy amin-Janany tiany;
 Nomeny Fanahy manan-kery
12 Hametraka antsika rehetra
 Anilany mandrakizay.
 Aleloia, aleloia!