Amin'ny ankapobeny, ny fihetsiky ny vatana na ratsam-batana dia entina manamafy na manitrikitrika ny teny ambara. Matetika manko mazava kokoa ary mafonja kokoa ny tiana ambara rehefa arahina fihetsika. Ohatra, raha miantso fotsiny aho hoe: "avia atÿ" dia antso izay, fa raha sady miteny aho hoe avia atÿ no mbola arahiko kopa-tanana izany teny izany, dia toa manamafy ilay fiantsoana. Misy olona amin'ny firenena sasany dia tsy mahatafavoaka ny tiany ambara mihitsy raha tsy misy fihetsika, ohatra ny italianina.
Toy izany koa ny fihetsika mandritra ny litorjia: entina manamafy na maneho ny votoatin'ny vavaka atao ny fihetsika atao. Ireny fihetsika ireny anefa dia tsy tongatonga ho azy fa efa nolovaina nandritra ny taonjato maro. Mety ho nisy niandohany. Ohatra ny nataon'i Moizy rehefa niady tamin'ny Amaleka ny zanak'Israely: "Raha nasandratr'i Moizy ny tànany dia Israely no nahery; fa raha nitambotsotra kosa ny tànany, Amaleka no nahomby. Nony efa vizana ny tànan'i Moizy, naka vato izy ireo, nataony teo ambaniny, dia nipetrahany, ary Aarona sy Hora kosa nanohana ny tànany avy eo ankilany avy, ka tsy niketraka intsony ny tànany mandra-pilentiky ny masoandro." (Eksaody 17: 11-12)
Azo atao ho fihetsika entina hiderana an'Andriamanitra ny tanana mivelatra, araka ny hita ao amin'ny Salamo ohatra: "Aoka hisaotra an'ny Tompo àry hianareo rehetra mpanompon'ny Tompo, ... Manandràta tànana ho amin'ny fitoerana masina, ary misaora an'ny Tompo." (Salamo 134: 1a. 2)
Azo atao fihetsika hanehoana fitsofandrano ihany koa, toy ny nataon'i Jesoa, ohatra: "Dia nentiny hivoaka ny tanàna hatrany Betania izy ireo, ary nanandratra ny tànany izy ka nitso-drano azy." (Lioka 24:50)
Azo atao fomba entina mivavaka tsotra fotsiny ihany koa, toy ny fanentanana ho an'ireo Kristianina voalohandohany ohatra: "Koa ny lehilahy tiako hivavaka na aiza na aiza, manandra-tànana madio, tsy amim-pahatezerana na tabataban-tsaina." (1 Timote 2:8)
Ny mikasika ny fanentanana "Aoka isika hivavaka" indray: Marina fa mivavaka tokoa rehefa ao am-piangonana, nefa koa misy ny fotoana mangina handinihana sy hitsakotsakoana ny Tenin'Andriamanitra ohatra, na hiresahana mangina am-po miaraka amin'i Jesoa vao noraisina tamin'ny Komonio. Ka ilay fanentanana hoe "Aoka isika hivavaka" dia fiantsoana ny Krisitianina manontolo iray fiangonana mba hiaraka hanondrotra vavaka tokana iombonana miaraka amin'ny Pretra amin'iny fotoana voatondro iny.
Zay fa sao lasa lava loatra dia very ny soa! :)
makouto:
salama daolo ny fihetsika rehetra mandritra ny lamesa toy ny hoe velarina ny tanana dia avy eo akombona fotsiny ohatra amin'ny RAINAY ANY AN-DANITRA satria indraindray tsy manao ny sasany mety tsy ho hainy ny dikany angamba
zay aloha valiana
faharoa angaha tsy mivavaka moa ao am-piangonana no mbola miteny ny Pretra eny an-tsiefatsiefany eny hoe "aoka isika hivavaka" misaotra ôôô
dadasy:
Zany hono ry Makouto a! inona hono le fihetsika mahaliana!
hery:
Fihetsika ao amin'ny lamesa:
Ny fihetsika tsirairay dia samy manana ny heviny, ary misy heviny daholo nefa fa tsy ataotao foana. Na ny fihetsiky ny pretra na ny fihetsika sy paozin'ny olona. Matetika dia mifandray amin'ny fombam-pivavahana talohan'ny konsily vatikana II izay indraindray tsy dia azon'ny tanora sy ny fiangonana taty aoriana (indrindra ny any Afrika).
Azon'ny eveka miandraikitra ny litorjia atao anefa ny mamorona fihetsika vaovao araka ny fomban-tany (ohatra ilay fifanomezam-piadanana mifandray tanana sy mandihy) rehefa tsy mivoaka amin'ny hevitra lazain'ny Sorona Masina amin'ny ankapobeny.
Dia iza amin'izay ny fihetsika mahaliana?
