Rainay an-danitra any, mba henoy e

1 Rainay an-danitra any,          mba henoy e
 Mba henoy ny vavakay e,        mba henoy e
 Mitalaho anie izahay e,           mba henoy e
 Miandrandra anao, ry Ray ô,    mba henoy e.

2 Diso taminao 'zahay,             ka mifona
 Nanadino anao, ry Ray ô,        ka mifona
 Tsy nanao ny sitrakao,            ka mifona
 Voasodokan-drendrarendra,    ka mifona.

3 Zandrinao 'zahay, ry Jesoa    ka vonjeo
 Fa voafatotry ny ota,              ka vonjeo
 Fantatrao fa mbola osa,          ka vonjeo
 Mora resin'ilay Ratsy,              ka vonjeo.

4 Hamasino e izahay e,            hamasino
 Ry Fanahy Zanahary,              hamasino
 Hamasino e ny fonay,             hamasino
 Hamasino ho lapanao e,         hamasino.