O nivoha ny varavaran'ny lanitra

Nampiditra: Belle
Sokajy: Tononkira, Salamo, Fidirana,


  • Fihirana Vaovao p. "143
  • Ankalazao ny Tompo p. "32
  • Fihirana Hasina p. "143
  • Vavaka sy Hira p. "262
  • Ankalazao ny Tompo p. "536
  • Fihirana Dera p. "209

(Sal. 23)

(Ô nivoha) Nivoha ny varavaran'ny lanitra )
Teo anatrehan'ny Tompo                          )
Ombam-pahefana sy laza,                        ) (indroa)
I Kristy no Tompo nandresy.                     )
 
1 'Zao tanintsika izao sy ny zava-tsoa 'zay mandravaka azy,
 'Zao tenantsika izao sy ny zava-maro nomena antsika
 Dia samy asa tanan'ilay Mahefa namonjy antsika:
 Eny e, eny e, 'ndeha isika hihoby ny Tompo.
 
2 Iza àry no hiakatra ny tanànan'ny Tompontsika?
 Zovy àry no hanjaka hifehy ny lanitra sy ny tany?
 Moa ve tsy ilay nandresy ny fahafatesana ho antsika?
 Eny e, eny e, 'ndeha isika hihoby ny Tompo.
 
3 Andrao ny tataonareo, ry varavarana fahagola,
 Hidiran'ilay Mpanjakan'ny voninahitra tsy hay fefena,
 Kristy ilay nandresy ka notolorana fahefana:
 Eny e, eny e, 'ndeha isika hihoby ny Tompo.


Eugene Hery - Tel +39 338 744 2412 (Italie) - [0.0992 s.] - Hanohana anay