(Sal. 121)
Feno hafaliana ny foko raha nilazana hoe
‘Ndeha isika ho any ao an-tranon’Iaveh
‘Ndreto izahay ry Tompo ô
1- Tapitra ny dianay, indro fa tonga soa
Eto am-baravaranao Jerosalema (2)
2- ‘Ndreto re ny foko maro, ny vahoakan’Israely
Mankalaza ny Nahary, Jerosalema (2)
3- Ao ny trano fitsarana, ny vahoakan’i Davida
Fiadanana ho anao, Jerosalema (2)
4- Noho ireto rahalahy, havanay sy tapakay
Dia ho lava ny andronao, Jerosalema (2)
5- Ao no miakatra izahay, hankalaza an’Andriamanitra
Samy zanaky ny Eglizy, Jerosalema (2)
6- Voninahitra sy dera, ho an’ny Tompo ambony indrindra
Mitsodrano ny Eglizy, Jerosalema (2)