Nandray ny fanjakany Andriamanitra Tompo (1)

Nampiditra: Belle
Sokajy: Jesoa Kristy,


  • Vavaka sy Hira p. "451
  • Fihirana Hasina p. "35
  • Ankalazao ny Tompo p. "144
  • Fihirana Dera p. "227

Nandray ny fanjakany Andriamanitra Tompo,
Fa izy no nanao izao tontolo izao.
Nandray ny fanjakany Andriamanitra Tompo,
Fa azy izao rehetra izao.

1 Ry Andriamanitray, misaotra anao izahay,
 Ry Mahefa, ry Taloha sy Ankehitriny,
 Fa naneho ny herinao tokoa ianao,
 Ka nandray ny fanjakana hoentinao!

2 Nihotakotaka avokoa ny firenena,
 Fa nipoaka kosa ny hatezeranao.
 Eny, tonga ny fotoana fitsaràna
 Hanomezam-balisoa ny nodimandry.

3 Ts'iza izany fa ny mpaminaninao,
 'Reo mpanomponao sy ny olomasinao,
 'Reo matahotra ao am-po ny anaranao,
 Ny madinika rehetra sy ny ambony.

4 Indro tonga ankehitriny ny fotoana,
 Ka miseho ny famonjena sy ny hery;
 'Zao tokoa ny fanjakan'ilay Tsitoha,
 'Lay Voahosony efa ombàna fahefana.

5 Indro lavo ilay mpiampanga ny havanay
 'Lay nifofo tsy an-kijanona azy ireo:
 Noreseny tamy ran'ny Zanak'ondry,
 Tamy teny notazoniny ho fambara.

6 Izy manko tsy nandala loatra ny ainy
 Na nikemo sy natahotra ho faty.
 O, ry lanitra tontolo, mifalia;
 Mihobia, ry olomasina rehetra!


Eugene Hery - Tel +39 338 744 2412 (Italie) - [0.1174 s.] - Hanohana anay