Ry tany, mihainoa

Nampiditra: Belle
Sokajy: Andriamanitra Ray,


  • Fihirana Vaovao p. "408
  • Fihirana Hasina p. "25
  • Vavaka sy Hira p. "471
  • Fihirana Dera p. "111

1 Ry tany, mihainoa
 Ny teny anatro:
 Andriananahary
 Miseho amintsika.
 Angony ny fontsika
 Hidera ny nataony
 Ho an'ny razantsika
 Sy ny firenentsika.
 
 2 Tompon'ny ranomasina
 Sy ny rivo-drehetra,
 Aza tezitra anay e,
 Fa zanakao izahay.
 'Zahay midera anao:
 Ny hiranay asaovy
 Aterin'anjely
 Any anatrehanao.
 
3 Ny asanao, ry Tompo,
 Ankasitrahanay
 Noho ny hasoavana
 Alatsany aminay.
 Hitan'ny masonay
 Ny soa nataonao e,
 Mampiaiky sy mampino
 Ny teny anatrao.
 
4 Zanahary mpitondra
 Izao rehetra izao,
 Tsy misy tsy fehezin'
 Ny fandidianao.
 Izao tontolo izao
 Nataon'ny tananao e,
 'Zahay feno toky
 Sy manantena anao.
 


Eugene Hery - Tel +39 338 744 2412 (Italie) - [0.0312 s.] - Hanohana anay