1- Mahereza re, Razandry (mahereza)
Mirosoa hatrany ianao (mirosoa ianao)
Atolory re ny sandry (mahereza)
Fa miandry i Jesoa Tomponao
Izy ihany no banjino
Ibitsiho mangina hoe:
Mba tantano sy vimbino
‘Ty zandrikely ‘ty zandrikelinao re!
Mahereza, mahereza, mahereza re ianao
Mahereza, mahereza, mahereza a!
2- Raha sendra hakiviana
Mila handreraka ny fo
Mampitondra fijaliana
Fa mbola nofo ihany moa
I Jesoa ilay tsy miova
Tsy mivadika aminao
No antsoy moramora
Hanome hanome anao lay hery vao
3- Raha tsaroana fa mideza
'Zany lalana haleha
Mila ho ketraka hianjera
Aza hadinonao re
Fa tsiky kely tsiky ihany
Antsoy mora i Jesoa
Hanamaivana an’izany
Fa fitsapana (2) ihany moa
4- Tsy diso lalana ianao
Mahereza matokia.
I Jesoa nifidy anao
Ka miravoa sy mifalia
Tia anao anie i Jesoa
Miantso anao olon-tiany
Ka handeha mirosoa
Fa homba anao (2) ny fitahiany.