Ry Jacques Berthieu

• Fihirana Hasina p. "793

1 Ry olontsambatra tsaroana,
 Vavolombelon'ny finoana,
 Na dia natahotra ho faty:
 Hita ho nisotro aleoko maty,
 Ka tsy niahotra na kely,
 Tsy nitaraina velively;
 Loza raha matimaty foana,
 (F'ianao) maty nijoro tam-pinoana.
 
Ry Jacques Berthieu,
Vavolombelona:
Ny fiainanao naneho
Finoana velona.
Ampio 'zahay
Mba hino ihany koa,
Hijoro ka hiray,
Fa mpianatr'i Jesoa.
 
2 Narovanao ireo vehivavy,
 Tamin'ny Menalamba be fiavy;
 Ianao niseho ho saro-piaro
 No naharomotra ny maro,
 Ka noratraina ianao,
 Nanaovana ny tsy fanao.
 Loza ny asan'i Satana,
 (F'ianao) masina tsy isalasalana.
 
     Ry Ray be fitia:
     Andriamanitray,
     Ry Zanak'i Maria:
     Jesoa Zokinay,
     Misaotra anao tokoa,
     Fa ny fanahinao
     No niaro mba ho soa
     Ity mpanomponao
            Aleloia, aleloia!
            Aleloia, aleloia!
            Aleloia, aleloia!
            Aleloia, aleloia!