Ô ry Jesoa mofo velona, ry Jesoa mofon’aina, ry Jesoa mofom-pitiavana

Ô ry Jesoa mofo velona,
Ô ry Jesoa mofon’aina,
Ry Jesoa mofom-pitiavana
'Lay hanin-tohan-tsakaiza eny an-dalako eny
Isan’andro vaky mihiratra
Heriko eny an-dàlako eny, izaho toa nofo ihany

1- Tsiahiko ‘lay Samaritana e, tsy te-hangetaheta intsony
    Ary Ianao ontsa vahoaka e, reraky ny hanoanana.
    Dia indro Ianao nanome rano (in-2), tsy hampangetaheta intsony;
    Dia indro nampitombo mofo, hanana amby sy hanandratra
    Fa Mofon’ny fanantenana e, Ianao ry Mofon’Aina
    Zovy moa no tsy hitraka e, voafahan’Ilay Aina!
    Ilay Ain’Andriamanitra!

2- Raha mihinana anao aho ry Mofo ô, tsy olon’olom-poana akory,
    F’olo-manana ao anaty, ‘zany herin’Andriamanitra
    Ndrey izany hafaliako (in-2), ‘zany fetran’ny hasambarako,
    Safononoka aho, ry Tompo, eny an-dalana izorako!
    Fa tiako loatra Ianao ry Tompo ô, Teny zary tonga Nofo,
    Nofo tonga Mofo indray anie, ary Mofo zary tonga Aina!
    Ilay Ain’Andriamanitra!

3- Ianao ‘Lay Zanaharinay; hanina dia mampihavana.
    Mampitraka ny fanahy e, tsy ho kivy an-tany efitra
    Dia nitony ny hanoanako (in-2), amin-javatra miserana,
    Fa ho mafy ny hetahetako, ho an’ilay harena miafina.
    Fa Mofon’ny fanantenana e, Ianao ry Mofon’Aina
    Zovy moa no tsy hitraka, voafahan’Ilay Aina
    Ilay Ain’Andriamanitra!