Nony nisasaka ny alina, dia nisy nilaza hoe

Fiv: Nony nisasaka ny alina, dia nisy nilaza hoe:
       " Inty tamy ny mpampakatra, ka mitsangàna re   
       Eny mandehana e mitsena an'i Kristy e
       Eny mandehana ka tsenao Kristy" ( Mt 25,6 )

(Sal. 44b) 

1. Zavavy ô, ny sofina atongilano,
    Ilaozy ny ray aman-dreninao
    Ho tian'ny Mpanjaka ny bikanao.
 
2. Andeha re mitsaoka ny Tomponao!
    'Reo manan-karena amin'ny vahoaka
     Mitondra fanatitra ho sitrakao.
 
3. 'Lay zanakavavin' Andriamanjaka
     Jereo fa miravaka volamena,
     Mianjaika manatona ny Mpanjaka.
 
4. Indreny milahatra falifaly,
    Mandroso ao an-dapan'Andriamanjaka
    Ireo tovovavy mpanotrona azy.
 
5. Ho maro e ny fara sy dimbinao
    Mba hamelomaso ny razanao
    Hanjaka eran-tany tontolo ireo!
 
6.Izaho kosa hiventy ny anaranao
   Ho ren'ny taranaka mifandimby:
   Hidera azy hatrany ny firenena.
 
7. Isaory ny Tompo nifidy antsika
    Fa ny Zanany no efa niantsoany antsika,
    Handray ny Fanahy hampanjaka antsika.