(Iz. 43, 1-4)
Mandehàna ianao lavidavitra kokoa
Fa miandry anao Aho;
Na mahatsapa aza ianao, fa efa tonga
Mandrosoa ihany lalindalina kokoa
1- Izaho no Tompo Andriamanitra, ‘lay Mpamonjy anao
Sarobidy ange ianao, eo imasoko
Ka aza matahotra fa tiako ianao
2- Matokisa ianao e, f’izaho ihany ity
Izaho no Mpanjakanao e, ‘lay Mpandresy
Ka aza matahotra fa tiako ianao
3- Tamin’ny anaranao e, no niantsoako anao
Manaraha ahy ianao e, hitahy anao Aho
Ka aza matahotra fa tiako ianao
4- Na mandalo aza ianao e, heniheny be
Homba anao hatrany aho e, mba tsy ho rendrika
Ka aza matahotra fa tiako ianao
5- Na mandalo aza ianao e, afo mivaivay
Tsy handroro anao akory, ny lelafo be
Ka aza matahotra fa tiako ianao