Nateraky ny Fiangonana isika,
fa ao aminy ny loharanon'aina
sitrak'Andriamanitra hahazanaka antsika. (Tito 3, 5)
(Sal. 86)
1- Ry Siôna, ry siôna !
eny an-tendrombohitra masina
no naorin'ny Tompo ianao,
Ilay Tompo tsy mahafoy anao ô!
2- Ny fonenan'i Jakôba,
maromaro ihany izy ireny,
f'ianao no andrian'ny fony ô,
tiany mihoatra ny sisa rehetra.
3- Ry Tanànan'Izy Tompo !
Andriamanitrao mitantara
zava-maro malaza tokoa,
'zao no tena anandratany anao !
4- "I Rahaba s'i Babela :
mahafantatra ahy izy ireo,
Ary i Tira s'i Filistia ô,
ary i Etiôpia sy ny hafa,
5- 'Zao no ambara momba ireo :
izy hono, teraka tao !"
I Siôna tsy tahaka izany :
"Ny rehetra no teraka tao !"
6- Ny Avo indrindra, ry Siôna ô,
manamafy orina anao !
Hosoratany anatin'ny boky
ny vahoaka fa "teraka tao".
7- Ny andriana eran-tany,
toy ny zanakao tsisy hafa !
Izy ireo samy faly milaza :
fa ianao loharano niaviany.
8- Ry Siôna Vaovao,
aoka isaorantsika ny Ray
nosoratany ny anaranay,
azo antoka mandrakizay.