Kintana mpitari-dalana

1. Kintana mpitari-dalana
Manara-maso eny ambony,
'Ty mpivahiny mizotra
Matoky anao e, Maria.

Kintana mpitari-dalana
manara-maso eny ambony,
'Ty mpivahiny mizotra
Matoky anao e, Maria ô ;
Kintana mpitari-dalana,
Tsinjovy ny diako.

2 'Ty lalan-kely be tsilo
Mety handrovitra anay ;
Savasavao mba tsy hisy
Handratra ny tenanay.

3. Ny lalana migodàna,
Lalana be fotaka
Ao koa ny mampikorosy,
Malama maina tokoa.

4. Miolikolika loatra '
Ty lalana izorako,
Sady be vato mandavo,
Fandrika ataon'ny demony.

5. Ny lalanay eto an-tany
Rakotry ny zavona,
Zohy sy ala mangina,
Toa alina maizim-be.

6. Ry zanako, halaviro
'Zay vato sy fotaka ;
Nefa raha sendra ka lavo,
Raiso ity tanako ity.