Fantatrao, Ray ô, izay nafeniko hatrizao

1- Fantatrao, Ray ô, izay nafeniko hatrizao
    dia ny otako rehetra tao anaty foko tao :
    nosaronako, naleviko tsy hisy mpahalala !
    Fantatrao, Ray ô, izay nafeniko hatrizao
        Koa inty aho tonga fa niantso ahy ianao :
        Izany fahotako izany no ateriko Aminao (in-2)
 
2- Fantatrao, Ray ô, izay nataoko taminao
    Endrikao tsy nojereko, Teninao tsy nohenoiko
    sy ny fiainako laniako tsy araky ny sitrakao !
    Fantatrao, Ray ô, izay nataoko taminao
        Koa inty aho tonga fa niantso ahy ianao :
        Izany hadisoako izany no ifonako Aminao (in-2)
 
3- Fantatrao, Ray ô, izay kasaiko mbola hatao
    faniriana sesehena tsy mifantoka Aminao :
    ka mitrotro volohala sy mivimbina hakiviana !
    Fantatrao, Ray ô, izay kasaiko mbola hatao !
        Koa inty aho tonga fa niantso ahy ianao :
        Izany tebiteby izany no atosako Aminao (in-2)

Nampiditra Bariry
Sokajy Fifonana
Ankalazao ny Tompo p. 239
Fihirana Dera p. 248
Fihirana Hasina p. 145
Fihirana Vaovao p. 238
Vavaka sy Hira p. 550
© Eugene Heriniaina - serasera.org 1999 - 2024 - page load 0.0091