Tsy misy afaka hanompo tompo roa (Salamo 48A)

Sas :
Tsy misy afaka hanompo tompo roa
Dia Andriamanitra sy ny vola ;
Tsy misy afaka hanompo tompo roa
Dia Andriamanitra sy ny harena. (Mt. 6, 24)

(Sal. 48)
 
1 - Ry olon-drehetra, samia mba mihaino,
Henoy re, ry mponin'ny tany tontolo
Na olona tsotra na olona ambony,
Na manankarena na ny malahelo.
 
2 - Fa anatra soa no ambarako anao
Dia teny miloatra avy amin'ny foko :
Henoy ny hain-teny hilazako azy anao,
Valiha no hiritsoka izany aminao.
 
3 - Nahoana aho moa no hatahotra loza,
Hihevitra hoe tsy ho tafarina intsony ;
Ireo fahavaloko mirehareha
Fa manana ka manontany ny ory.
 
4 - F'angaha misy olona mahavo-tena
Na hoe afa-mahaloa tamby amy Tompo :
Satria lafo loatra tokoa ny avotr'aina,
Tsy voavidim-bola na oviana na oviana.

5 - Ahoana àry no hahavelomany hatrany,
Ka hoe tsy hahafaty azy mandrakizay?
Jereo fa na dia  ny olon-kendry aza maty,
Ireo tsy ampy saina dia torak'izany.

6 - Ny haren'izy ireny nankaiza avokoa?
Tsy maintsy navelany ho lovan'ny hafa;
naniry izy honina mandrakizay,
Kinanjo ny anarany sisa tavela.

7 - Isaory àry ilay Andriamanitra Tompo,
Ny Zanany efa nandray Fanjakana,
Fanahiny kosa hanamasina antsika :
Ho mendrika hanompo Azy marina isika.