1 - Inty ny ora sarobidy hitsanganako
Handraisako ny Tenanao, ry Jesoa mamiko
Tsy dia mendrika aho ny hotsidihinao
Kanefa sitrakao, ka avia re!
Ô! sambatra aho re!
2 - Nandray ny Tenanao ny foko, ry Mpamonjiko
Ka heni-kafaliana ny fanahiko izao
Mitsaoka Anao re, misaotra Anao re
Tsy hitako izay havaliko!
Ô! sambatra aho re!
3 - Mba tsofy rano aho sy ny havako rehetra
Sy izay mpanao soa anay sy ny sakaizako
Ho tia anao re, tsy mba handao Anao
Ka samy mba ho tonga an-danitrao
Ô! sambatra aho re!