Mitoera eto amiko, ry Jesoa be fitiavana

Nampiditra: ari.malala
Sokajy: Komonio,


  • Vavaka sy Hira p. "755
  • Fihirana Hasina p. "609

Mitoera eto amiko, ô ry Jesoa be fitiavana
Saro-tahotra ny foko sady mora mianjera
Ny sakaiza mora miala toy izany koa ny havana
Iza no hiaraka amiko, ô ry Jesoa mitoera (2x)

1. Fantatrao fa tia Anao, ‘zany foko sy ny heriny
Isan'andro vao mifoha, lasanao ny eritreriny
Raha tezitra ny onja tamin’ny sambon’ny fiainako
Fantatrao fa taminao no hany niotarainako

2. Fantatrao fa osa loatra 'ty fanahy fadiranovana
Zay miantso Anao tsy tapaka eto an-tany fandalovana
Raha noana indray ny foko fa nidaboka sy lanaka
Fantatrao fa nifanojo ny fijerintsika mianaka

3. Fantatrao fa nanantena lalandava ny fanahiko
'Reny bitsika mangina ao anaty ny angatahiko
Raha torovana ny foko tena kivy sady reraka
'Zany foko kivy izany hanantena anao tanteraka


Eugene Hery - Tel +39 338 744 2412 (Italie) - [0.0507 s.] - Hanohana anay