I kristy no masoandrom-piainako (ATM / Pr. RANDRIAMAHITA Pierre /OSsT)

I kristy no masoandrom-piainako 

1- I kristy no masoandrom-piainako 

Mitantana e sy manoro ahy ny lalako

Ka na ho avy anie ireo fahavaloko

Izaho tsy hianjera , vato anie no iorenako

2- Mangotrakotraka ny feo  mandrahona ahy

Misosososo ireo  fahavalo manohitra ahy

Tsy ahoako ireny fa ianao no vatolampiko

Ianao  Kristy, ianao ihany no hiarahako

3- Mitrerona ny feon’ireo mpisompatra ahy

Tsy marim-pototra hono re izao fiainako izao

Tsy ahoako ireny fa ianao no vatolampiko

Ianao kristy ,ianao no hiarahako

4- Ka izao no vavaka ataoko aminao 

Ho ao amin’ny fiainanao  ny fiainako

Ka na hitsoaka anie ny tafiotra mpanohitra

Hijoroa aho e, ka ho vavolombelonao

5- Ho avy ireo mpanohitra ny Anaranao

Hiseho hahery  handrobaka ny vahoakanao

Izaho e ho vavolombelon’ny fitiavanao

Hitory hatrany hiaro koa ny marina