Mivondrona atsika jiaby

E e ia mivondrona atsika jiaby (2 fois)
Tahaka ny nataon'ny Ray ao amin'ny Zanany
Ny Zanany koa ao Aminy
Zegny fitiavagna tegna marigny e e
Rango ela, ndraiky niany, mandrakizay
E e ia mivondrona atsika jiaby (2 fois)

E e ia mivondrona atsika jiaby (2 fois)
Misy raha araiky tsy mila adigna
Koa fitiavagna edy raha koragniny
Jesoa nahafoy tegna ho antsika
Mba hagnavotro atsika amin'ny fahaverezana
E e ia mivondrona atsika jiaby (2 fois)

Hoy Jesoa Tompo : Izaho no lalana, fahamarinana sy fiainana
Tsisy olo mahavita mandeha amin'ny Raiko ô ô
Koa tsy avy amin'ny alalako
Zegny magnambara fa olo araiky rô ô
Zegny magnambara fa olo araiky rô ô

Aoka atsika jiaby ato amin'ny fiangonana
Izay fatra-paniry ny fanomezam-pahasoavagna
Mba hivondrona, hifanome tanana
Ho iray fo sy saina, hifankatia
Mba hampandroso ny eglizy mamin-tsika ity
Manomboka ny faha-10 taonan'ny nitsanganan'ny fiangonana
Paroasy (St) Padre Pio, eto Ambonara, Hell-Ville Nosy-Be

Tsara ny mifankatia, e e ia havako aby e
Tsara ny mifankatia, zegny takin'i Tompo amintsika
Tsara ny mifankatia, zegny edy tegna fiombonana
Tsara ny mifankatia, zegny lalagna magnazava e

Hoy Jesoa Tompo : Izaho no lalana, fahamarinana sy fiainana
Tsisy olo mahavita mandeha amin'ny Raiko ô ô
Koa tsy avy amin'ny alalako
Zegny magnambara fa olo araiky rô ô
Zegny magnambara fa olo araiky rô ô

Hira fanevan'ny faha-10 taonan'ny Eglizy St Padre Pio Nosy-be
(T. Albert)