Ankavanan'Andriamanitra otronin'ny anjely maro

1 - Ankavanan'Andriamanitra,
     otronin'ny anjely maro
     Jesoa mipetraka any an-danitra,
     mpandidy izao tontolo izao.

Fiv : Mpanjakan'ny mpanjaka,
mitsaoka Anao 'zahay :
Ny tany aman-danitra
mba anjakao, Jesoa.

2 - Mpanjaka be fahandrianana,
     ilay ateraky ny Ray
     Mitovy Aminy tokoa,
     mandrakizay, mandrakizay.

3 - Mpanjaka ambony fahefana,
     tsy mba refesi-mandidy.
     Ka teniny iray ihany
     mahefa ny zava-drehetra.

4 - Mpanjaka feno fitiavana,
     maty ho an'ny olonao ;
     Mba ho famonjenao anay,
     ny teninao no nentinao.

5 - Mpanjaka tsy mba mety maty,
     izay nandresy ny fasana,
     Jesoa tafatsangan-ko velona
     amin'ny andro nofidiny.

6 - Mpanjakan'ny olon-drehetra,
     amin'ny andro fitsarana,
     Izay fahavalonao aza
     hipararetra mahita Anao.

7 - Mpanjaka tsy lavitra anay,
     mitoetra anatin'ny Hostia,
     Hamahana ny fanahina
     amin'ny mofon'ny Anjely.