Ndre mijoro Reny ory (Feo: Stabat Mater)

 
 
1 - Ndre mijoro Reny ory
Teo am-pototry ny hazo
Nifantsihan-janany.
 
2 - Teo ny fony ontsa mafy
Feno senton'alahelo
Tanterahin-defona.
 
3 - Tena vonton'alahelo
Ndrisy Reny masina anie
Maty Lahitokana.
 
4 - Nitoloko velon-tsento
'Zaho Reny be fitia
Fa mijaly sombin'aina.
 
5 - Iza no tsy hitomany
Rah'mibanjina 'lay Reny
Tototry ny fahoriana ?
 
6 - Tsy hangoraka iza moa
Rah'mijery 'zato Reny
Ory toa an-Janany ?
 
7 - Noho ny otan'ny vahoaka
Jesoa hitany mijaly
Rotiky ny kapoka.
 
8 - Hitany 'lay Sombin'aina
Safotr'alahelo mafy
Raha misento miala aina.
 
9 - O ry Reny be fitia,
'Zany sentonao ho reko
Ranomaso hiombonana.
 
10 - 'Zaho anie hirehi-pitia
An'i Jesoa Zanahary
Ka hanao 'zay sitrany.
 
11 - Maria Reny malahelo,
Soraty raikitra am-poko
Ny ferin'ny Zanakao.
 
12 - 'Zao ny Zanakao ho ahy
Ndre maratra sy mijaly
Aiza ny anjarako ?
 
13 - Hiaraka ory aminao
Sy Jesoa mifantsika anie
Mandra-pahafatiko.
 
14 - Eo am-pototry ny hazo
Hiaraka ory aminao,
'Zany tena sitrako.