Ref : Rankizy ô avia, ndao hiara-dia, miantso anao ny Tompo
Hiaina sy hitory ny Vaovao Mahafaly nentin’i Kristy
Rankizy miara-dia, filamatra ianao, efa fahazavana
Tano ny finoana, Apôsitôlin’ny ankizy, fanantenan’ny Eglizy
1 - Isika no antsoina, fa antoky ny ho avy, zanaka andrandraina,
Sy fanantenana, ka kolokoloina, ikelezana aina
Tezaina ara-pinoana, zarana fahendrena, omena fahalalana,
Beazina ho tsara, ara-nofo ara-panahy, ho lavi-pahotana
Aoka ny hafaliana, hafalian’i Kristy, no hiainantsika
Ny Vaovao Mahafaly, no torolalana ho an'ny diantsika
2 - Isika no antsoina, hitarika ny hafa, tsy miara-dalana
Handresy lahatra, vavolombelona, fanasina hanamasina
Hahay hanetry tena, hanaja koa ny hafa, fa zanak’Andriamanitra
Ny fahatsoram-po dia hahazoantsika ny fanjakan’ny lanitra
Mandalina Finoana, mivavaka isan’andro, manaja ny Eokaristia,
Miara-dalana amintsika, mivavaka ho antsika i Masina Maria