IO ILAY ANTSO

Nampiditra: rayandoscj
Sokajy: Antson'Andriamanitra,


1.Tianao hosoratana mazava amin’ny taratasy fotsy ny tantaram-piainanao

Mety ho lava dia lava, mety hisy tsy ho  voalaza ny tantaranao

Eny hatramin’ny fony kely, hatramin’izao lehibe izao lava ny tantaranao

Teny an-dalana ny sendra sampanana tantara iray vaovao

 

Io lay antso e ..... Antso mangina, antson’i Jesoa

Io lay antso e ..... Sampanan-dalana nizara roa

Io lay antso e ..... Dian-tongotry ny Tompo no narahinao

Io lay antso e ...... Isan’andro manoratra pejy vaovao

 

2.Misy toko sy andininy maro raha soratana daholo ny tantaram-piainanao

Misy ny mangidy sy ny mamy, misy amboy sy ambany ny tantaranao

Misy masoandro mibaliaka, misy alina koa nolalovanao

Na fidinana na fiakarana, ny mazava dia izao

 

Io lay antso e ...... Hiady isan’andro tsy hataho-pery

Io lay antso e ...... Hamonjy fanahy, hitady ny very

Io lay antso e ...... Dia hifanampy hitondra ny hazofijaliany

Io lay antso e ...... Lavidavitra mantsy iny lalantsika iny

 

3.Rehefa voasoratrao mazava ny tantaram-piainana dia izao no tsapako

Samy hafa ny lalana nodiavintsika fa ny hitoviana dia ny antson’i Jesoa

Eny iny antsony iny no nanjohy antsika hatrany hatramin’izao

Hiray dia, hiray lalana, miara-dia tsy mifandao

 

Io lay antso e ...... Hikatsaka ny soa, hikatsaka ny tsara

Io lay antso e ...... Hifankahery hatrany fa hamakivaky ny ala

Io lay antso e ...... Tsy hoenti-miondrika ny anaran-dray

Io lay antso e ...... Fa hidera sy hankalaza azy mandrakizay


Eugene Hery - Tel +39 338 744 2412 (Italie) - [0.0080 s.] - Hanohana anay