Hitako ny Tompo izay miantso hoe
“Avia manaraka ahy”
Nentiny namakivaky ny fiainana aho
Notantanany fandrao solafaka
Notsimbininy isan’andro sao reraka
Ary homeny hery hifikirako aminy
Mandrakizay
1-Tsy ny harena sesehena no nilaozako
Fa ireo mangeja sy mamatotra ny fo
Ray sy Reny hava-tiana, tany nahabe
‘Zay nafoiko ho anao Jesoa, Zoky be fitia
2-Tsy ny hotompoina na ny hotiavina
No iantsoanao ireo maniry ho mpianatrao
Fa ny hanompo sy hitia ny madinika
Sy hanao izay sitrakao am-pitiavana
3-Tsy ny olo-manan-daza na mpanefoefo
No mba nofidianao hanohy ny asanao
Fa ireo manetry tena, vitsy mpahalala
No nantsoinao, ry Jesoa, ho mpianatrao.