Tsy misalasala miantso anao hoe : Rainay

Tsy misalasala miantso anao hoe :
Rainay izahay Andriamanitra ô !
Fa manaiky sy mandray ny Fiangonana ho Reninay

(Salamo 146)

1. Eny tsara ny mihoby ilay Andriamanitsika
Eny mety ny mihira ny fankalazana azy

2. Fa ny Tompo no manangana ilay Jerosalema
Ilay mamory izay voaely amin’ny Zanak’Israely

3. Izy koa no manasitrana an’ireo izay toro fo
Sy mitsabo koa ny fery amin’ny ratran’izy ireo

4. Ilay manisa tsirairay irony kintana rehetra
Sy miantso azy ireo amin’ny anarany avy

5. Lehibe ny Tompontsika ary goavana ny heriny :
Tsisy olo-maharefy raha ny halalinan-tsainy.

6. Izy Tompo dia manandratra an’ireo manetry tena,
Mampietry ho amin’ny tany ireo olona tsy mpino.

7. Koa venteso ho an’ny Tompo ny fisoarana amin-kira,
Dia tendreo ny valiha ho an’Andriamanitsika !

8. Fa ataony rako-drahona ny lanitra eny ambony,
Ka manomana orana Izy mba ho an’ny tanimboly; 

9. Mampitsiry ahitra izy eny an-tendrombohitra eny
Mbamin’ireo karazan’anana izay ilain’ny olombelona

10. Manome firaofana izy mba ho an’ny biby fiompy
Ary izay ilainy koa ho an’ny zanaka goaika

11. Tsy ny herin’ny soavaly no hoe mahafinaritra azy
Na ny tanjaky ny mpiady no hoe sitraky ny fony

12. Fa izay matahotra azy, ireo no sitraky ny Tompo
Dia ireo izay manantena ny hatsaram-pony ihany

13. Isaoranay ianao ry Ray: ny Fiangonan’i Kristy
No anangonanao ny mpino amin’ny tsiokan’ny Fanahy