Novonoina Ianao, ry Tompo ô

Novonoina Ianao, ry Tompo ô,
Ka ny ra nalatsakao
No nanafaka anay rehetra
Samihafa fiteny sy foko. (Apok. 5, 9)

(Sal. 123)
 
1 Raha toa ka ny Tompo tsy momba antsika,
 Mba lazalazo re, ry Israely!
 Raha toa ka ny Tompo tsy momba antsika,
 Raha tonga nanenda ny fahavalo,
 Nateliny velona teo isika
 Fa vinitra loatra 'reo mpankahala.

2 Nisamboaravoara ny onjan-drano,
 Nandrendrika izany fanahintsika.
 Kanefa isaorana izy Tompo:
 Tsy foiny ho rembin'ireny isika!
 Toa fody afa-pandrika isika 'zao!
 He! Rovi-karato ka afa-doza!
 
3 Ny anaran'ny Tompo no fitahiana,
 Fa vitany mora ny zava-boaary.
 Endrey ny fitiavan'ny Ray antsika:
 Ny Zanany efa nomeny antsika,
 Natsangany ho zanany koa isika,
 Nomeny Fanahy hampiray antsika.