Andriamanitra velona re no aoka hotompointsika

Andriamanitra velona re
no aoka hotompointsika,
Andriamanitra marina re
no aoka ho tompointsika,
No aoka ho tompointsika izao re,
isika harin-tanany. (1 Tes. 1, 9)

(Sal. 99)
 
1 Hobio izy Tompo, ry tany tontolo,
 Ka fo falifaly anompoana ny Tompo,
 Tongava eo aminy mihira, miravo.
 
2 Ekeo fa ny Tompo no Andriamanitra,
 Fa azy isika satria nohariany
 Sy tena vahoakany, ondry fiandriny.
 
3 Ireo vavahadiny idiro amin-tsaotra,
 Ny ao an-kianjany idiro amin-dera,
 Derao izy Tompo, ny anarany isaory.
 
4 Miaiky isika fa tsara ny Tompo,
 Fa mandrakizay ny fitiavany antsika,
 Am'taona rehetra ny fahamarinany.
 
5 Andeha isika hiara-mitsaoka ny Tompo,
 Hihoby 'lay Zanany ombam-pahefana,
 Derao ny Fanahy manamasina antsika.