Ny Teninao ry Ray (JMJ 2015)

Nampiditra: jarod3
Sokajy: Tanora, Samihafa,


Fanevan'ny JMJ Mada 8 ( Fianarantsoa )

1-  Ny teninao ry Ray, manazava sy milaza

F'izay madio Tanana, sy izay mazava Fo

No afaka hiakatra ilay vohitra malaza

Higoka hasambarana tsy manam-paharoa (x2)

Sambatra e, zay madio Fo, Fanahy amam-batana

Fa tsy mora ny miady amin'ny fakam-panahy misakana

 

Fiv :

Sarotra ny lalana iantsoanao anay

Lalan'ny fitiavana, Lalanao ry Ray

Ampio izahay Tanora fa te hiaraka aminao

Ho sambatra e ..., fa hahazo fiainam-baovao

 

2- Nanambara ianao ry Jesoa Kristy

Hoe tsy mbola nisy nahita ny Ray

Ianao no nampianatra anay hifankatia

Mba ho mendrika anay ny mandrakizay (x2)

Sambatra e, zay madio amin'ny fihaino sy fijery

Fa ny fiainana anaty mihintsy no tsy mba very

 

Fiv :

Sarotra ny lalana iantsoanao anay

Lalan'ny fitiavana, Lalanao ry Ray

Ampio izahay Tanorafa te hiaraka aminao

Ho sambatra e ..., fa hahazo fiainam-baovao

 

3- Fanentananao anay ry Fanahy Masina ô

No ahafahanay miantso ny anaran'Andriamanitra

Sy mijoro an-kasahiana fa tsy ankinafinafina ô

Ho vavolombelon'ny fiainana any an-danitra (x2)

Sambatra e, ireo madio ny fitafiny amin'ny ràn-janak'ondry

Fa tsy maintsy miaritra ny mafy izy ireo vao mahomby

 

Setriny:

Ry Reny madio indrindra ô, ampio izahay Tanora

Ry Anjely mpiambina anay ô, tantano ny dia fa tsy mora

Md Joany Paoly faharoa ô, mivavaha ho anay

Sambatra e ... ny madio fo fa hahita ny Ray


Eugene Hery - Tel +39 338 744 2412 (Italie) - [0.0174 s.] - Hanohana anay