Nanda ny irakao

Nampiditra: admin
Sokajy: Fifonana,


  • Antsao ny Tompo p. "224

(Auguste Roby)

Nandà ny irakao izahay Ray ô !
Nivily ka tsy nanao ny sitraponao,
Fa nenina anefa, manjo anay izao,
Ka tonga ndeha hibebaka.

Tompo ô ! Rainay ô !
Indro ny zanakao miantso Anao,
Amindrà fo fa diso izahay,
Tompo ô ! Amindrà fo izahay !

Nampijalinay Ianao Jeso (a) ô !
Noho ny haben'ny helokay e !
Kanefa nasandratry ny Ray Ianao,
Mba hanonerana ny otanay.

Kristy ô ! Zokinay ô !
Indro ny zandrinao miantso Anao,
Amindrà fo fa diso izahay,
Kristy ô ! Amindrà fo izahay !

Tsy nihaino Anao izahay ry Fanahy
Fa niantehitra tamin'ny herinay,
Maizina anefa ny lalanay,
Raha tsy eo ny fanilovanao.

Tompo ô ! Rainay ô !
Indro ny zanakao miantso Anao,
Amindrà fo fa diso izahay,
Tompo ô ! Amindrà fo izahay !


Eugene Hery - Tel +39 338 744 2412 (Italie) - [0.0215 s.] - Hanohana anay