Zoky Be

1/ Ny làlanao.
Ô Zoky Be.
Tsy noheveriko.
Fiakaram-be.
    Tsembon-dratsy zaho diñiry
    Fa im-piry mila kivy
    Tonga saina mizaha ny làlanao
    Na madio ny fo sy saina
    Na atao ny tsy hitaraina
    Dia ampangaiña dia ampangaina.

2/Ny làlanao.
Ô Zokiko.
Maro fantsika.
Feno tsilo
    Zay tany jiaby hitsahiko.
    Feno fandrika avokoa.
    Tonga saina, mizaha ny làlanao.
    Mitandrin-tena efa aman-taoño.
    Reo mpisompatra eny foana.
    Minia mikimpy e, minia tsy tia

3/Ny làlanao.
Razoky tia.
Làlan-tsara e.
Tena fy
    Ka ampio izahay zandrinao.
    Hahery fo tahaka anao.
    Hitafy ny FITIAVANA.
    N’inona n’inona hitranga.
    N’inona n’inona hidona.
    Omeo FINOANA, FANANTENANA