Lazao aminy

• Antsao ny Tompo p. "41

Lazao aminy ny teniko
Na hihaino izy e
Na tsy hihaino, ilazao izy !
Mitsangana re ianao hirahiko
Fa hiteny aho e
Izaho Tomponao  maniraka anao

1. Dia niditra tato anatiko,
   Ilay Fanahy sy Tompoko,
   Niangavy sy nitalaho e !
   Hitondrako ny Teniny.
2. Ny Zanany efa maditra,
   Tsy mahalala menatra,
   Ireo no anirahako anao e !
   Ilazao ihany izy e !
3. Ary ianao tsy hatahotra azy,
   Hombako hereziko,
   Harovako amin’ny mafy ianao,
   Tsy hangovitra anoloany.
4. Ary ianao mitandrema tsara,
   Sao hanahaka azy e !
   Sokafy ny vava, ka hano re
   Izay homeko anao.
5. Dia natopiko tamin’izay re
   Ny masoko ; tazako,
   Taratasy no asainy hateliko,
   Ho hanina hivelomako.
6. Novelariny teo anoloako,
   Hay tena mahonena be,
   Fisaonana, fitomaniana tao,
   Nombam-pitarainana.
7. Izay ve ilay hoe amin’ny mangidy
   No misy mamy e !
   Nony injay ka nateliko hay tantely
   Fa mamy ankafiziko.
8. Eny e, hoezahiko Tompo ô !
   Hamaly ny antsonao,
   Omeo hery, tantano hatrany,
   Fa vao hary elatra.
   Inty aho Tompo ô, iraho aho.