1 -Ry Tompo ô, raiso aho hanaraka Anao
Hamehy tena, hanatontosa ny hafatrao (in-2)
Nefa osa sy malemy ny olombelona
Omeo hery tsy hivadika aminao.
Maro loatra ny fandriky ny demony
Mety hamily anay an-toeran-kafa
Tsy mahomby izay atao raha tsy eo Ianao
Ry Tompo ô, ampio aho ho tia anao (in-2)
2-Ry Tompo ô, mahalala ny zava-drehetra
Fantatrao ny toetrako sy ny kilemako (in-2)
Ampianaro aho hanaraka Anao
Ry Tompo ô, fiainana Ianao.
Ary Ianao no làlana sy fahamarinana
Hankanesanay any amin'ny Ray
Mba tohano izahay tsy handeha irery
Ry Tompo ô, arovinao izahay (in-2)
Ry Tompo ô, ampionao izahay
Ry Tompo ô, arovinao izahay
Ry Tompo ô, mamindrà fo aminay.