Raiko ô, mbola tsisy ary akory

• Fihirana Hasina p. "724

1 Raiko ô, ry Raiko ô,
 Mbola tsisy ary akory ny voaary manontolo
 Dia efa izaho ilay Teninao
 Tao anatinao hatrany.
 Ny Fanahy no ifankatiavantsika.

2 Raiko ô, ry Raiko ô,
 Taonjato maro be, ianao nandefa Mpaminany
 Ho an'ilay vahoakanao.
 Teninao no nambarany,
 Ny Fanahy no nibitsika azy ireo.

3 Raiko ô, ry Raiko ô,
 Ianao naniraka ahy ho amin'izao tontolo izao:
 Ary indro aho nanangona
 Ireo zanakao rehetra.
 Izao kosa dia miverina aminao.

4 Raiko ô, ry Raiko ô,
 Fianainao Andriamanitra Ilay Tokana Avo indrindra
 Tsy mba fiainana manirery
 Fa fiainan-kasambarana
 Iombonako aminao sy ny Fanahy.

5 Raiko ô, ry Raiko ô,
 Tsiambaratelontsika no naborako ny olona:
 Tsy fiainana miolonolona
 Fa fiainam-pifaliana
 Iantsoanao azy ireo iriariavana.

6 Raiko ô, ry Raiko ô,
 Indro aho ankehitriny fa efa eo anilanao.
 Ireo Mpianatro dia mino
 Fa avy any ambony aho.
 Dia handefa ny Fanahy iainantsika.