Reny tsy azon'ny ota, Masina Maria

1 Reny tsy azon'ny ota, Masina Maria,
 Mpanjakavavin'ny anjely,
 Dera sy laza ho anao, eo anilan'i Jesoa!
 
Mpihira:           Vahoaka:
Arahaba           Feno hasoavana ô,
Arahaba           Mivavaha e,
Arahaba           Feno hasoavana ô,
Arahaba           Mivavaha ho anay.
 
2 Ankizivavin'ny Tompo, Masina Maria,
 Fatra-panaiky ny Ray,
 Indro nasandrany ambony, tonga mpanjakavavy.
 
3 Virjiny madio indrindra, Masina Maria,
 Renin'i Jesoa Mpamonjy,
 Lapan'ny Tompo Nahary, feno Fanahy Masina e.
 
4 Kintana fitarikandro, Masina Maria,
 Mitari-dalana ambony,
 Nony ela ka nodimandry, niaka-belona an-danitra e.
 
5 Ry nosoavin'ny Ray, Masina Maria,
 Lazan'ireo vehivavy,
 Hoy ny taranaka anio: Eny sambatra ianao e!
 
6 Mbola miady eto an-tany, Masina Maria,
 Ireo zandrin'i Jesoa;
 Ry Reny nomena any, hoy ny zanakao e:
 
(amin'ny fivahiniana ataon'ny diôsezy, dia miampy ity:)
7 Indro ny diôsezy, Masina Maria,
 Lovanao ka tsimbino
 Hanjakan'izy Ray hahasambatra anay e.