Reniko izy

Nampiditra: Belle
Sokajy: Masina Maria,


  • Vavaka sy Hira p. "591
  • Fihirana Hasina p. "683

1 Reniko izy!
 Tsy ho tiako izy va?
 Izy no tiako indrindra,
 Ary ny lazan'i Maria
 No deraina an-tany rehetra,
 Tsy ho tiako izy va?
 Maria no Reny tsara! (indroa)
 
2 Reniko izy!
 Tsy ho tiany aho va?
 Izy miantra ny halemeko,
 Ka ny ataoko no tahiny;
 Heriko sy tokiko izy,
 Tsy ho tiany aho va?
 Maria no Reny tsara! (indroa)
 
3 Reniko izy!
 Mpiaro ny hadiovako;
 Miady aho isan'andro,
 Fa be ny fandriky ny demony
 Raha sendra ho resy aho
 Tonga kosa ny Reniko.
 Maria no Reny tsara! (indroa)
 
4 Reniko izy!
 Koa tsy ho mamin'ny foko?
 Maria, ny zanakao tomany,
 Fa te-ho any an-taninao.
 Ka hialoka aminao aho,
 Sy ho faly mandrakizay.
 Maria no Reny tsara! (indroa)
 
5 Reniko izy!
 Ho ravo ny foko, endre!
 Raha tafiditra any an-danitra
 Handray 'zay valin'ny natao,
 Hanakaiky sy hidera azy,
 Sy ho faly mandrakizay.
 Maria no Reny tsara! (indroa)


Eugene Hery - Tel +39 338 744 2412 (Italie) - [0.0076 s.] - Hanohana anay