Ô, ry Andriamanitra Tompon'ny tontolo,

1 Ô, ry Andriamanitra Tompon'ny tontolo,
 Mino 'zahay fa anao ny fiadanana:
 'Ndreto 'zahay, henoy fa mitalaho aminao.
 
Mba omeo anay ilay fiadanana e, (indroa)
Zara lovanay tamin'i Jesoa Zanakao,
Fa mangetaheta azy mafy izahay:
Mba omeo anay, ry Tompo, 'lay fiadananao.
 
2 O ry Fanahy Masina iraky ny Ray,
 Ny fitiavanao areheto eran-tany
 Hanetsika anay hifamela sy hifankatia.
 
3 Isaoranay sy ankatoavanay anao
 'Reo zava-maro nokarohin-tsainay:
 Ampio 'zahay mba hahay mampiasa azy.
 
4 Lavitra anao, Tompo, nofy 'zay fiadanana,
 'Zao fonay izao halalaho sy tsilovy,
 Mba hahitanay fa ianao no loharanony.