Ny tokantrano sambatra tsodranon'Andriamanitra

1 Ny tokantrano sambatra tsodranon'Andriamanitra,
 Fa izy no nanambatra, mivimbina ho finaritra:
 Arovy ny fitiavana ho hanitra mandraraka,
 Fa izy hampihavana, hitahy ny taranaka.
 
2 Ny tokantrano sambatra iraisam-po sy saina,
 Harena mora fantatra, fa paradisan'aina:
 Tsy misy avakavaka ifanolanan-kevitra,
 Miaraka mivavaka, mahay mifandefitra.
 
3 Ny tokantrano sambatra dia tena Nazareta,
 Miasa sy misasatra Maria sy Zôzefa:
 Ny zanaka beazina dia zanak'Andriamanitra.
 Hanilo 'rony haizina, hitantana ho an-danitra.

4 Ny tokantrano sambatra tsy ekeko ho somparana,
 Rarìko mba hasandratra hamafy hasambarana:
 Nakamban'Andriamanitra, tsy azoko sarahina,
 Irìko ho finaritra, ho kintana arahina