1 Akohokely latsaka an-kady aho, ô ry Tompo,
Hiantso, kely feo; hanidina, tapaka elatra
Tolory tànana aho ka vonjeo
Sao matin'ny vesa-pahotako
Tompo ô, Tompo ô, mamindrà fo amiko. (indroa)
2 Tantely saraky ny ala aho, ry Kristy,
Etý an-tany ngazana nilaozam-boninkazo
Tolory tànana aho, ka vonjeo
Sao matin'ny ngidim-pahotako
Kristy ô, Kristy ô, mamindrà fo amiko. (indroa)
3 Tsiriry diso farihy aho, ry Tompo,
Etý an-tany efitra, ny andro migaina
Tolory tànana aho, ka vonjeo
Sao matin'ny valim-pahotako
Tompo ô, mamindrà fo amiko. (indroa)